Twanga Pepeta kutumbuiza Mango Garden EID MOSI!

Bendi ya African Stars aka Twanga Pepeta siku ya IDD MOSI itakuwa ground yake ya nyumbani ya Mango Garden ili kutoa burudani katika kusherehekea sikukuu ya IDD. Twanga Pepeta inataraji kufanya ukumbini hapo kwa kuanzia onyesho la mchana mahsusi kwa watoto na baadae usiku kuanzia saa mbili litakuwa kwa ajili ya wakubwa.

Siku ya IDD PILI Twanga itaenda kufanya onyesho katika ukumbi wa Da West Park Inn Tabata.

Akilonga na Blogu hii, Meneja matukio wa African Stars Entertainment (ASET) Muddy K amesema Bendi iko tayari kukidhi mahitaji ya wapenzi wake kwa kuwa katika mfungo wa Ramadhani walisimama kufanya shoo ili waweze kutengeneza na kuboresha nyimbo zao na mashoo yao jambo ambalo wamelifanya kwa kiwango kikubwa.

"Kwa sasa bendi imefanikiwa kutengeneza nyimbo mbili, ya kwanza inaitwa "Ngumu Kumeza" na ya pili kwa sasa bado haijapatiwa jina lakini nayo ilishakamilika kufanyiwa mazoezi na tutaitambulisha kwenye sikuu ya IDD, kwa sasa inafanyiwa mazoezi nyimbo ya Badi Bakule inayoitwa "Mwendapole hajikwai' ambayo kama ikiwahi kumalizika kabla ya sikukuu ya IDD nayo pia tutaitambulisha" alisema Muddy K.

TwangaPepetaNews