KHADIJA KOPA AMTUNGIA WIMBO MWIZI WA GARI LAKE

MALKIA wa mipasho Bongo, Khadija Omar Kopa hivi karibuni ametoa ‘singo’ inayokwenda kwa jina la Mjini Chuo Kikuu akimponda kibaka aliyeiba gari lake aina ya Toyota Noah mwishoni mwa mwezi uliopita.

Ndani ya kibao hicho kilichotengenezwa na mtayarishaji Yaniki wa Sound Crafters Studio ya jijini Dar, malkia huyo ameelezea jinsi watu wa mjini wanavyojifunza kutokana na mazingira.

Akizungumza na gazeti hili, Kopa alisema miongoni mwa mafunzo ya mjini ni kama kitendo cha yeye kuibiwa gari ambapo alisema amepata funzo kubwa maishani mwake.

Khadija alisema ameshausambaza wimbo huo kwenye vituo mbalimbali vya redio na kuwataka mashabiki wake wakae mkao wa kusubiria video.

Na Richard Bukos, GPL