Zamaradi adakwa na polisi

RB namba OB/RB/ 16986/2011 ‘WIZI’, imemtia korokoroni Mtangazaji wa Kipindi cha Take-One kupitia Runinga ya Clouds, Zamaradi Mketema (pichani), akituhumiwa kuchikichia ‘masta’ ya filamu inayokwenda kwa jina la Zowa ya muigizaji Hissan Muya ‘Tino’.

Kwa mujibu wa taarifa za kipolisi, Zamaradi alitiwa mbaroni Septemba 29, mwaka huu saa 4:00 asubuhi kufuatia Tino kupeleka malalamiko yake kwenye Kituo cha Polisi Oysterbay,

Dar es Salaam.

Chanzo hicho kilidai kuwa, baada ya Tino kulifikisha suala hilo polisi, ndipo vijana wa IGP Mwema walipomsaka Zamaradi na kumuweka nyuma ya nondo.

Ilidaiwa kuwa, mwanadada huyo aliandaa filamu hiyo akishirikiana na Tino lakini baada ya mambo kuiva alimgeuka na kuchukua ‘masta’ hiyo na kuipeleka katika kampuni ya usambazaji (jina tunalo) na kulamba Sh. milioni 17.

Hadi gazeti hili linakwenda mtamboni juzi (Alhamisi), Zamaradi alikuwa bado anashikiliwa na polisi hivyo simu yake ilikuwa haipokelewi.

Na Mussa Mateja

Global Publishers Tz